Արալեզի Նախագահը Նոյան Տապանում

          Նոյյան Տապան՝ «Քննարկում», որի հյուրերն այս անգամ «Մոնթե Մելքոնյան» ռազմական վարժարանի հիմադիր, ՀՀ ՊՆ Վազգեն Սարգսյանի անվան ռազմական համալսարանի նախկին պետ, բազմաթիվ բարդ մարտական գործողություններ կազմակերպած և իրականացրած հրամանատար, գնդապետ, քաղաքական գիտությունների թեկնածու, «Վերելք» կուսակցության նախագահ Ալեքսան Մինասյանն էր և «Արալեզ» ՀԿ նախագահ և նույն ՀԿ ռազմահայրենասիրական ճամբարի ղեկավար Սարօ Թաթյոսը։

          Հանդիպմանը քննարկվեց ռազմահայրենասիրական ճամբարների կարևորությունը և դերը ներկայիս ժամանակաշրջանում։

Պարոն Մինասյանը ներկայացրեց մինչ այդ օրն արված այցերը ճամբարներ, դրանց ծրագրերի ուսումնասիրություններն ու հետազոտությունները, ինչպես նաև նա ներկայացրեց ապագա աշխատանքները ռազմահայրենասիրական ճամբարների կազմակերպման հետ կապված, թե ինչպիսի ուղղություն այն պետք է ունենա և ինչպիսին պետք է այն լինի, ինչով պետք է զբաղվի․․․ 

          Ռազմահայրենասիրական ճամբարի ղեկավար Սարօ Թաթյոսը ներկայացրեց իր կողմից կազմակերպվող ճամբարների ծրագրերն ու իր կողմից ղեկավարվող խմբերը, դրանց նպատակը։ Ցուցադրվեց վերջին ճամբարից լուսանկարներ, որոնք լուսաբանվեցին պարոն Թաթյոսի կողմից։ Նա ներկայացրեց, թե ինչ գիտելիքներ են ձեռք բերում երեխաները բանակումների՝ ճամբարների, ընթացքում, ինչպես նաև կիսվեց ուսուցման մեթոդով և այլն։

          Այդ օրվա հետաքրքիր հարցազրույցը կարող եք դիտել ստորև տեսանյութում։