Ոգեկոչում ըստ անունների և ազգանունների

Մեծ եղեռնի 109-րդ տարելիցին ընդառաջ, ինչպես անցյալ տարիներին, այս տարի նույնպես իրականացնելու ենք Մոմավառություն ի հիշատակ հայոց ցեղասպանության ընթացքում վասն հավատի և վասն Հայրենյաց մեր սուրբ նահատակների հիշատակին:

Արալեզ Հայաստանի Սկաուտական խմբի նախաձեռնությամբ, շարունակվում է հավաքագրվել Մեծ եղեռնի նահատակների անուններն ու ազգանունները և առ նրանց ոգիների հանգստության մոմավառություն է կազմակերպվում…

Սիրով սպասում ենք բոլորիդ Կարապի լճի տարածքում՝ ապրիլի 21-ին, ժամը 19:00-ին:
Մոմավառության ընթացքում հիշատակվելու են 1915 թվականի Եղեռնի նահատակների անուններն ու ազգանունները՝ անվանական մոմեր իջեցնելով Կարապի լճում:
Նախքան Մոմավառության սկսելը, Սրբազան Հոր գլխավորությամբ միասնաբար աղոթք կասենք առ անմեղ նահատակների ոգիների հանգստության և աշխարհի խաղաղության համար:

Մոմավառություն