1915թ.-ից ի վեր, անգամ աշխարհը և, մասնավորապես, հայը չի խաղաղվել, չի մոռացել հայոց պատմության ամենամուգ եւ գորշ էջը…

Մեծ եղեռնի տարելիցին ընդառաջ Արալեզ Սկաուտական խումբը կազմակերպում է մոմավառություն, որը տեղի կունենա Կարապի լճի տարածքում՝ ապրիլի 22-ին:

Մոմավառության նպատակն է ամեն տարի 3500 մեծ եղեռնի զոհերի անվանական մոմ վառել և նրանց անունը մի անգամ ևս բարձր հիշատակել, որի համար, յուրաքանչյուր տարի ԱՐԱԼԵԶ-ի սկաուտները մոմերի վրա տեղադրում են զոհվածների անունն ու ազգանունները, ինչը հավաքագրված է արխիվներից և անհատներից:

Յուրաքանչյուր տարի ցավն ու հպարտությունը խառնվում էին իրար. հպարտություն էր տեսնել, թե ինչպես են փոքրից մեծ, առանց տրտմելու, ժամերով կանգնում լճի եզրին՝ հպարտ բռնում եռագույնը, իսկ երբ անբողջ լիճը պատվում է մոմերով՝ անհնար է առանց հուզվելու կանգնել:

Սա մի առիթ էր ցույց տալու համար, որ մեր վերքերը դեռ բաց են, իսկ Արալեզի սկաուտական խումբը խոստանում է, որ այս անվանական մոմավառությունը կլինի շարունակական` հավաքագրելով նահատակների անուններն ու ազգանունները եւ առ նրանց հոգիների հանգստության՝ մոմավառության կազմակերպմամբ…

Յուրաքանչյուր տարի միջոցառումը մեծ արձագանք է գտնում ոչ միայն քաղաքացիների շրջանում, այլ նաեւ ԶԼՄ-ներում…

Հայոց մեծ վիշտը այնժամ կթաղվի , երբ որ աշխարհը խորքից խաղաղվի: Հ.Շիրազ

Հարցերի դեպքում կարող եք դիմել մեզ՝ +374 33 99 04 23 հեռախոսահամարով