«ԱՐԱԼԵԶ» Բարեգործական ՀԿ-ն՝ Վայրի բնության և մշակութային արժեքների պահպանման հիմնադրամի օժանդակությամբ, ամեն տարի կազմակերպում է «Ծաղկահավաք» ծրագիրը, որը մեկտեղում է պոկված ծաղիկներին «երկրորդ կյանք» հաղորդելու խորհուրդը և բնապահպանական՝ վերամշակման միջոցով կրկին օգտագործելու առաքելությունը: 

Ապրիլի 24-ին Ծիծեռնակաբերդի հուշահամալիրում խոնարհված ծաղիկներն ամեն տարի հավաքվում են, դրանց ցողունն անջատվում է ծաղկաթերթերից. առաջինից պարարտախառնուրդ է ստացվում, իսկ ծաղկաթերթերն օգտագործվում են ձեռակերտ վերամշակված թուղթ և մոմ պատրաստելու համար: Պարարտախառնուրդն օգտագործվում է հողի մշակման համար, իսկ ձեռակերտ թղթից հուշագրեր, շնորհակալագրեր, բացիկներ են պատրաստվում: 

Ծրագրի կազմակերպչական աշխատանքներն իրականացնում են Արալեզի Սկաուտական խմբի անդամները։

Միջոցառմանը մասնակցում են դեսպաններ, մասնավոր կազմակերպությունների աշխատակիցներ, ուսանողներ, աշակերտներ և այլ անհատներ:

Ծրագրի ավարտին հավաքված ծաղկաթերթիկների մի մասը վերամշակվում է տեղում, մյուս մասը՝ տրամադրվում  դպրոցներին, որտեղ էլ Արալեզի Սկաուտները կազմակերպում են վերամշակման վարպետաց դասեր՝ աշխակերտներին դարձնելով այդ խորհրդանշական աշխատանքի մասնիկը։

Հարցերի դեպքում կարող եք դիմել մեզ՝ զանգահարելով +374 33 99 04 23

Ծրագրին մասնակցելու համար, նախապես գրանցվելը պարտադիր է՝ ստորև տեղադրված միջոցառման հայտում, նշելով ժամանակահատվածը: Ծարգրի կազմակերպչական աշխատանքներին կամավորագրվելու համար գրանցվել որպես կազմակերպչական աշխատանքների կամավորագրվում, այդ օրվա կամավոր գրանցվելու համար` անհատ մասնակիցների գրանցում, վերամշակման աշխատանքներին մասնակցելու համար խնդրում ենք ուղարկել նամակ մեր էլ հասցեին (info@aralez.org)` վերնագրի դաշում գրելով վերամշակում։