ԱՐԱԼԵԶ Բարեգործական ՀԿ-ն՝ ՕՍՄ Հիմնադրամի օժանդակությամբ, իրականացնում է ՕՍՄ (Հզոր) ծրագիր քաղցկեղով հիվանդ երեխաների համար:

Ծրագրի նպատակն է երեխաներին տրամադրել ճանապարհային քարտեզ, ըստ որի՝ մանկական պատմության և ներկելու գրքի շնորհիվ, երեխային պարզ կլինի բոլոր այն ճանապարհը, որ նա պետք է անցնի հասնելու հաղթանակին՝ հաղթահարելով հիվանդությունը:

Այս միտքը ծնվել է 10 տարի առաջ, որն այսօր կյանքի կոչվեց։ Այս ծրագիրը մեր սրտերում ունի հատուկ տեղ, քանի որ տարիներ առաջ, նույն այս ծրագրի վրա աշխատող մեր սկաուտական խմբի կամավորներից՝ Մինելին ախտորոշվեց քաղցկեղով, և երկար պայքարից հետո նա հեռացավ մեզանից: Այս պաճառով, գիրքը նվիրվում է մեր Մինելիի հիշատակին։ Հույսով ենք, որ երեխաները գրքի միջոցով կխիզախանան և տեսնելով գրքի հերոսի պատմությունը կընդունեն իրենց տրված մարտահրավերը և կհաղթահարեն չարաբաստիկ Հիվանդությունը:

Գիրքը տրամադրվելու է անվճար՝ բոլոր այն բժշկական հաստատություններին, որտեղ բուժում են ստանում քաղցկեղով հիվանդ երեխաները:

Ծրագրին կարողեք ծանոթանալ ստորև տեղադրված հղումով՝

Քաղցկեղի փոքրիկ մարտիկներ

Կամավորներին հրավիրում ենք նաև մասնակցել ՕՍՄ (Awesome) նախագծին։ Ձեր օգնությամբ այս գիրքը կյանքի կկոչենք:

Կամավորնրեից սպասվում է հետևյալը՝

• Մասնակցել առաջին հանդիպմանը, որտեղ Ձեզ կներկայացվի ծրագրի ամբողջ տվյալներն ու նպատակները: (Օրն ու ժամը կհաստատվի կամավորների գրանցումից հետո, որից հետո մեր թիմը Ձեր հետ կապ կհաստատի)
• Մասնակցել դիզայնի և մտքի զարգացման աշխատանքներին (Brainstorming)
• Կապ հաստատել բժիշկների և մասնագետների հետ՝ գրքի նյութերը նրանց հետ համաձայնեցնելու համար
• Կազմակերպել գրքի շնորհանդես՝ միջոցառում
• Կազմակերպել գրքի բաժանման աշխատանքներին՝ բոլոր բուժ հաստատություններին
• Գիրքը լուսաբաներ լրատվամիջոցներում և հեռուստաալիքներում

Կամավորները կարող են ընտրել այն թիմը, որում կցանկանան կամավորագրվել և մասնակցել աշխատանքներին

Կամավորական հավաստագիր, որում կարտացոլվի կամավորի ողջ աշխատանքը, կտրամադրվի այն կամավորներին, ովքեր՝

• Ակտիվորեն մասնակցում են աշխատանքներին
• Իրենց վստահված բոլոր աշխատանքներն իրականացնում են պատշաճ կերպով